(NOOOO..... TEDEE.....)
No wyol piso a no gete a npiri i…. Mbe Nok a ntolon na wot paga li a se no moro a na nufi se bese ti bo nimtol le. Nok ja no ntolon fare no na nikleley nya ta.
"E... fate moro wyo ja bo tpake it calna karung re kameja karung bo tigo na Surabaya a la mpiniwyo si a rikewleit e."
Mbe It a nlongo mbe fare no ncegat Nok a nya. "Yekke... macang fate Nok ti au ta ge mpiniwyo si a bo rikewle au a".
Nok ja no npey fate no nlongo pa, mbe nniyo nconglo nya, "E... fate moro wyo ja bo tpake it calna karung re kameja karung bo tigo na Surabaya a la mpiniwyo si a rikewleit e."
It a e ma nte su pa, i e ma te nniyo nconglo nya ta "Yekke... macang fate Nok ti au ta ge mpiniwyo si a bo rikewle au a".
Nok a no ncawang mbe fare nyele It a mpop be nispakali mbe nafat to pae. Mbe Nok a nui, "Mcopo, mcopo la fare balat ja nniy fare mimyat se." It a nconglo i, "Coba lama bo tem?"
Mbe Nok a nispakal mbe nafata noto. Nok a komo metlu a nafata ndimi to mbe nu It a, "Mcopo to e la agyeg balat ja nniy fare mimyat se". It a e ma nte su pa, "Coba lama bo tem?"
Mbe no Nok a igye re komo a nafata ndimi to fare mbe npe nfene ponco meco pinem to, mbe It a npeyi to pa e, nakabata to "Miw lama", nniyo Nok a nconglo, "Gete nnaw". It a ntahani se rombe miw a nyol si fare Nok a npe nfene ponco meco pinem to se, mbe fare nimbos se nmoti nonco ntingil.
0 komentar:
Posting Komentar